اہل بیت(ع) نیوز ایجنسی۔ابنا۔ حضرت امیرالمومنین علی علیہ السلام کے حرم مطھر میں عید غدیر کے جشن کے دوران نیدر لینڈز کا ایک عیسائی مرد مسلمان ہو گیا۔
اس رپورٹ کے مطابق ڈچ عیسائی ’’کوریان ون لوین‘‘ نے اپنے بھائی کی رہنمائی سے جو مکتب اہل بیت(ع) کا ماننے والا ہے اسلامی فرقوں کے بارے میں تحقیقات کرتے ہوئے مذہب تشیع سے واقفیت حاصل کی اور مذہب تشیع کے بارے میں دقیق مطالعہ کرنے کے بعد انہوں نے عید غدیر کو حرم مطہر امیر المومنین(ع) میں اپنی زبان پر کلمہ شہادتین جاری کرنے کا فیصلہ کر لیا۔
حرم مطہر کے بین الاقوامی امور کے دفتر کے سربراہ سید علی شرع نے اس نو مسلمان شخص کے بارے میں بتاتے ہوئے کہا کہ اس عیسائی آدمی نے شیعہ مذہب قبول کرنے کے بعد اپنا نام ’’ علی حیدر‘‘ انتخاب کیا ہے۔
انہوں نے مزید بتایا: ون لوین نے اسلامی فرقوں کے بارے میں تحقیقات انجام دیں اور اس کے بعد وہ مکتب اہلبیت(ع) کے گرویدہ ہو گئے تاکہ اس مذہب کو اپنا کر حقیقی معنی میں مسلمان بن جائیں۔
سید علی شرع نے ان کے بھائی کی تعریف کرتے ہوئے، کہ ان کے بھائی نے وین لوین کو اسلام کا مطالعہ کرنے کی طرف راغب کیا، کہا: ون لوین نے یہ خواہش ظاہر کی کہ وہ حرم امیر المومنین(ع) میں دین اسلام قبول کریں اس لیے انہیں یہاں بلایا گیا انہوں نے اس نورانی دن حرم مطہر کی زیارت کرنے کے بعد دین کلمہ شہادتین زبان پر جاری کیا۔
علی حیدر نے حرم مطہر کی زیارت کے بعد مختصر گفتگو میں کہا: حقیقی اسلام عید غدیر کے دن امیر المومنین(ع) کی بیعت کرنے کے بعد میرے لیے واضح ہوا ہے۔
عید سعید غدیر کے دن حرم مطہر عاشقان اہلبیت(ع) سے مملو تھا جو حرم مطہر میں تجدید بیعت کے لیے جمع تھے کہ اسی اثنا حیدر علی نے بھی خود کو اس نورانی بزم میں شامل کر لیا۔حاضرین محفل نے علی حیدر کے شیعہ ہونے پر خوشی و مسرت کا اظہار کرتے ہوئے تالیاں بجائی اور نعرے لگائے۔
